Esas la yaro 2206. La famoza poeto Gonçalo Seven de Portugal es asasinata en varma vespero di agosto dum ke il esas vehanta en taxio tra la turboza e trafikoza Berlin dil futuro. La majoritato de la konocati akuzas Tiberio, altra poeto, tamen la situaciono ne esas klara. L'afero komplikesas, nam aparas pose plusa mortinti. La brava detektivi Detlef Drogi e Rudolf Gensch facas lo posibla por solvar la misterio. La ceneyo esas futurala, inter edifici rotacanta ed automobili fluganta. Subtila filo de esprito e sarkasmo perceptesas en diversa punti di la romaneto.