Von 1982 op an gifft dat in den Kreisheimatbund Diepholz en Kring Froonslüüd un Mannslüüd, de sik mit plattdüütsche Spraak un Literatur afg eben doot. Toeerst hebbt dar man negen Schrievers ut den Landkreis Deefholt tohöört, nu sünd dat mehr as dartig ut dat Flach twischen Ritterhude, Verden un Deefholt.'
'1997 weer de Kring 15 Johr oolt. To hebbt de Schrievers sik dat in'n Kopp sett, se wullen tohoop en Book mit plattdüütsche Geschichten un Gedichten rutgeben. Traute Dittmann, Carl Scholz un Heino Weseloh kregen von de annern Schrievers den Opdrag, se schullen de Texte utsöken. De hebbt dar ok för sorgt, dat de Schrievwies sik - so wiet as't gung - no de Regeln von Johannes Saß (Kleines plattdeutsches Wörterbuch) richten deit. De enkelten plattdüütschen Dialekte, de in den Schrieverkring tohoopkamen sünd, schullen ehr Klöör beholen, man se schullen ok lichter to lesen ween.'
'Un dar is dat bi rutkamen: 33 Geschichten un Gedichten von 33 Schrieverslüüd.